Við teljum að tveir ljósmyndarar ættu að vera sjálfsagður hluti af brúðkaupsdegi. Það þýðir einfaldlega meira öryggi.

Það getur margt gerst á sama tíma þess vegna finnst okkur mikilvægt að mynda SAMAN svo engin viðbrögð, tilfinning, hamingja eða annarskonar uppákoma gleymist og týnist í bunka minninga sem aldrei hafa verið séðar nema með augunum einum.

Okkur finnst því stór partur af ykkar degi að geta boðið upp á tvo ljósmyndara á betri kjörum. Pössum upp á minningarnar og geymum þær til frambúðar. Það er alltaf hugarró að vita að einhver sé til staðar þar sem sagan er að gerast.

Já. Við fylgjum ykkur þangað sem dagurinn ykkar gerist.

Fyrir brúðkaup utan höfuðborgarsvæðisins bætist við akstursgjald sem við förum yfir með ykkur fyrirfram. Við tökum einnig að okkur valin brúðkaup erlendis og elskum að skoða spennandi verkefni á nýjum slóðum.

Við trúum því að gæði skipti meira máli en ákveðin tala.

Þess vegna teljum við ekki myndir heldur veljum af kostgæfni þær sem segja söguna af deginum ykkar best. Fjöldinn fer eftir lengd og umfangi brúðkaupsins, en þið getið alltaf búist við veglegu myndasafni sem fangar bæði stóru augnablikin og allt það sem gerðist þar á milli.

Já, við hittum öll brúðhjón a.m.k. 2 sinnum fyrir brúðkaupið.

Okkur finnst mikilvægt að kynnast ykkur, fara yfir dagskrána og ræða þær hugmyndir og væntingar sem þið hafið til dagsins. Það hjálpar okkur að undirbúa okkur vel og tryggir að þið getið mætt afslöppuð og örugg á brúðkaupsdaginn.

Þegar stóri dagurinn kemur viljum við að þið upplifið okkur frekar sem kunnugleg andlit en ókunnuga ljósmyndara. Það sama á við um börnin sem taka þátt í deginum, því þau eru oft afslappaðri og öruggari þegar þau hafa hitt okkur áður.

Já, algjörlega. Við ráðleggjum reglulega varðandi staðsetningar út frá árstíma, veðri, fjölda gesta og þeirri stemningu sem brúðhjónin vilja skapa. Hvort sem þið sjáið fyrir ykkur dramatískt landslag, borgarlegt umhverfi eða eitthvað einfalt og tímalaust hjálpum við ykkur að finna stað sem passar ykkar sögu.